27, జనవరి 2018, శనివారం

Global Enterprenuer summit 2018

ఉరుకుదాం ఉరుకురికి ఎగురుదాం
ఎందాకా అంటే 
ఏవంక చూసినా అస‌హ్యం అదిరిపోయేలా
అప‌హాస్యం అంతుతేలేలా
విశ్వ‌వినువీదుల్లో వెలుగుజిలుగుల విజయాలు విస్తుపోయేలా
ప‌సిపాపల్ని ప‌రిహారంకోసం అమ్మే అమ్మ‌ల్లా
దేన్నికాద‌నాలి ఏదేది నాద‌నాలి
ఏంటో అంతా గంద‌ర‌గోళం
అభివ్రుద్ది రెక్క‌లు అంత‌లా ఎగురుతుంటే
చెల‌రేగే గాలి దుమారం న‌న్నెందుకు క‌ల‌వ‌ర‌పెడుతుంది
ఎంట్ర‌ప్రెన్యూర్లు వెలుగులు చిందిస్తుంటే
మంట‌ల్లో కాలే గూడులు నన్నెందుకు ద‌హిస్తున్నాయి
మెట్రోలు పైలాన్లు
పాల‌వ్యాన్లు ప‌గ‌టి క‌ల‌లు
దేన్ని కాద‌నాలి ఏది వాస్త‌విక‌మ‌వ్వాలి
సంపూర్ణ‌మైన‌దేది స‌త్యం కాద‌న్న‌ట్టు
ఇప్ప‌టికిందాక అనుకోవ‌డ‌మే మ‌న‌ద‌న్న‌ట్టు
సాదించిన దానికి సంతోషం
చితికిపోయిన దానికి సంఘ‌ర్ష‌ణం
స‌హ‌జం, స‌మాజ నైజం

వ్యాఖ్యలు లేవు:

వ్యాఖ్యను పోస్ట్ చెయ్యండి