చినుకంటె..... నా ప్రేయసి

చినుకు
చినుకంటె ఒట్టి నీటి చుక్క కాదు
నెర్రెలిచిన నా తెలంగాణా నెలలకి
అమృతం పంచే అమ్మపాలు
కన్నీళ్లలా ఆవిరైన నా రైతు కంటిపాపల్లోకి
సరికొత్తగా పొంగివచ్చే ఆనంద భాష్పాలు
తొలకరి తొండీ చేసినా
ఆషాడాన పుట్టింటికోచ్చిన శ్రావణ మేఘాలకి....
ఎన్ని ప్రేమలేఖలు రాశానో ....
అల్లంత దూరంలోని వెండి మబ్బులకి....
ఎన్ని దారాలు వేసానో....
ఏదైమైతేనేం
ఒక్కటయ్యాయి....
ప్రణయ రాగాలు పాడుకుంటున్నాయి....
చినుకులుగా మొదలై
పిల్లకాలువల్లో సవ్వడై
వాగుల్లో..... వంకల్లో..... ఆ కన్నె పొంగులు
వరద గోదారిలా ఎగసి
కాళేశ్వర హృదయాలపై ఈ సంగమం
మేడిగడ్డ, అన్నారం, సుందిళ్లలు బిడ్డలుగా...
తెలంగాణ నెలలపై పచ్చని పరువాల సింగారం
పరువపు ప్రకృతిపై జలసొయగం
అందుకే
చినుకంటె..... నా ప్రేయసి
చినుకంటె.... రేపటి బంగారు తెలంగాణ ఆర్తి.